ԱՄՆ-ը 800 միլիոն դոլարի նոր փաթեթից Ուկրաինային օգնության առաջին մասն է տրամադրել

Ուկրաինան ԱՄՆ-ից ստացել է 800 միլիոն դոլար արժողությամբ նոր փաթեթի ռազմական օգնության առաջին մասը: «ՌԻԱ Նովոստի»-ի փոխանցմամբ, այդ մասին հայտնել է Պենտագոնի բարձրաստիճան պաշտոնյան:

«Ինչ վերաբերում է 800 մլն դոլարի օգնության փաթեթին, այո, այսօր մեկ չվերթ է ժամանել տարածաշրջան։ Մի քանի նախնական խմբաքանակներ են ուղարկվել այնտեղ»,-ասել է ամերիկյան պաշտպանության գերատեսչության ներկայացուցիչը։

Նա նաև նշել է, որ աառաջիկա երեք օրերի ընթացքում կիրականացվի ևս երեք լրացուցիչ չվերթ։