Էրդողանը հայտարարել է, որ Թուրքիան պատրաստ է հանդիպում կազմակերպել Պուտինի և Զելենսկու միջև

Էրդողանը Ստամբուլում բանակցությունների մեկնարկից առաջ ողջունել է Ռուսաստանի և Ուկրաինայի պատվիրակությունների մասնակիցներին։ Լուրը հայտնում է ՏԱՍՍ-ը

«Թուրքիան պատրաստ է հանդիպում կազմակերպել Պուտինի և Զելենսկու միջև»,-ասել է Էրդողանը։

Նրա խոսքով՝ Թուրքիան ակնկալում է, որ Ստամբուլում Ռուսաստանի և Ուկրաինայի հանդիպումը օգուտ կբերի բանակցային գործընթացին։

Էրդողանն ասել է, որ Ուկրաինայում ստեղծված իրավիճակը խորապես տխրեցնում է Թուրքիային, որը Ռուսաստանի և Ուկրաինայի հարևանն ու բարեկամն է։

Էրդողանը Ռուսաստանի Դաշնության և Ուկրաինայի պատվիրակություններին հղած ուղերձում կոչ է արել հրադադար պահպանման ռեժիմ սահմանել։