Ամենից շատ կարդացված նյութեր
.jpeg "Մակրոնը կարծում է, որ Ուկրաինայի հակամարտությունն առաջիկա շաբաթներին չի ավարտվի")
Մակրոնը կարծում է, որ Ուկրաինայի հակամարտությունն առաջիկա շաբաթներին չի ավարտվի
Ֆրանսիայի նախագահ Էմանուել Մակրոնը կարծում է, որ Ուկրաինայում հակամարտությունը չի ավարտվի մոտակա շաբաթների ընթացքում, և կոչ է անում մարդասիրական օգնություն ցուցաբերել բնակչությանը։ Այս մասին ուրբաթ օրը RTL ռադիոկայանի եթերում ասել է պետության ղեկավարը, ով առաջադրվում է երկրորդ ժամկետի համար, գրում է ՏԱՍՍ-ը։
«Այդ հակամարտությունը, ցավոք, մոտ ժամանակներս չի ավարտվի», - կարծում է նա:
«Ես կարծում եմ, որ մենք շատ ծանր իրավիճակ կտեսնենք Դոնբասում առաջիկա օրերին և շաբաթներին: Այդ պատճառով մենք Թուրքիայի, Հունաստանի և ՄԱԿ-ի հետ միասին անում ենք ամեն ինչ՝ Մարիուպոլ և Դնեպր քաղաքներում մարդասիրական գործողություններ կազմակերպելու համար»,- ընդգծել է Մակրոնը։
Նա միաժամանակ նշել է, որ «առաջիկա շաբաթներին պետք չէ ակնկալել Ռուսաստանից դիվանագիտական զիջումներ»։ «Դա տեղի չի ունենա մինչև մայիսի կեսերը»,- նշել Է Մակրոնը՝ հիշեցնելով, որ մայիսի 9-ին Ռուսաստանում նշվում է Հաղթանակի օրը:
Ֆրանսիայի ղեկավարը միաժամանակ ընդգծել է, որ ռազմական գործողությունների յուրաքանչյուր նոր օր «վաղվա օրն ավելի է բարդացնում»: «Եվրոպայում խաղաղություն չի լինի, եթե չմտածենք վաղվա օրվա մասին»,- նկատել է նա։
Studio One