Եվրախորհրդարանը Մարին Լե Պենից կգանձի 617 հազար եվրո՝ պետական միջոցների յուրացման համար

Եվրախորհրդարանը ցանկանում է 617 հազար եվրո գանձել Ֆրանսիայի նախագահի թեկնածու Մարին Լը Պենից և նրա կողմնակիցներից, որոնք մեղադրվում են պետական միջոցները վատնելու մեջ: Այս մասին ՏԱՍՍ-ի փոխանցմամբ հայտնել Է Agence France-Presse-ը՝ վկայակոչելով իր աղբյուրին։

«Եվրախորհրդարանը դիմել է Չարաշահումների և խարդախության դեմ պայքարի եվրոպական գրասենյակ (OLAF)՝ որոշ խախտումներ հայտնաբերելուց հետո։ Ընդհանուր առմամբ, խոսքը 617,000 եվրոյի [անօրինական յուրացում] մասին է»,- ասել է նա։

Աղբյուրի համաձայն՝ Եվրախորհրդարանը նախատեսում է «առաջիկա մի քանի շաբաթների ընթացքում միջոցներ գանձել շահագրգիռ կողմերից»։

Ըստ AFP-ի, Փարիզի դատախազությունը մարտի 11-ին հաղորդում է ստացել, ըստ որի, Լը Պենը և նրա կողմնակիցները իբր անձնական նպատակներով օգտագործել են քաղաքական խմբերին տրամադրված գումարները՝ Եվրախորհրդարանում նրանց մանդատի համատեքստում։ Համապատասխան հետաքննությունն իրականացրել է ֆրանսիական Mediapart պորտալը։