Ախալքալաքցի բռնցքամարտիկը հաղթել է ադրբեջանցի մրցակցին և դուրս եկել ԵԱ եզրափակիչ

Բուլղարիայի Սոֆիա քաղաքում տեղի ունեցող Եվրոպայի առաջնությանը Ախալքալաքի մարզահամալիրի սան Գոռ Այվազյանը րոպեներ առաջ հաղթելով ադրբեջանցի մարզիկին նվաճել է արծաթե մեդալ։ Նա կպայքարի Եվրոպայի չեմպիոն դառնալու համար։

Jnews-ը գրում է, որ պատանի բռնցքամարտիկը եզրափակչում ոսկե մեդալի համար կմենամարտի Ալբանիայի մարզիկի հետ։ Եզրափակիչ մրցումը տեղի կունենա այսօր։ 

Ախալքալաքցի մարզիկը տարբեր միջազգային մրցույթների մրցանակակիր և մեդալակիր է։ Անցյալ տարի նա դարձել էր նաև Չեռնոգորիայի մրցումների չեմպիոն։ Նա 2019 թվականի Եվրոպայի պատանիների չեմպիոն է։ Բռնցքամարտիկը մարզվում է Ախալքալաքի մարզահամալիրում մարզիչ Գագիկ Էլիզբարյանի մոտ։