Ապրիլին ռուսներն առավել շատ նախընտրել են հանգստանալ Հայաստանում

OneTwoTrip ճամփորդությունների պլանավորման ծառայությունն ամփոփել է, թե ապրիլ ամսվա ընթացքում որտեղ են առավել շատ հյուրանողներ ամրագրել իր հաճախորդները։ 

«Գազետա.ռու»-ն գրում է, առաջին հորիզոնականներում Ռուսաստանի քաղաքաներն են. առաջատարը Մոսկվան է, նրան 11 տոկոսով հետևում է Սոչին, 10 տոկոսով՝ Սանկտ Պետերբուրգը։

Ինչ վերաբերում է երկրից դուրս ուղղություններին, ապա ռուսներն առավել շատ նախընտրել են Հայաստանը, Տաջիկստանն ու Ղրղզստանը։ Ի դեպ Հայաստան նախընտրողների թիվը նախորդ տարվա համեմատ նվազել է՝ հասնելով 40 տոկոսի, Տաջիկստան նախընտրողների թիվն է ավելացել։

Պահանջված ուղղություններից է նաև Թուրքիան 12 տոկոս ցուցանիշով, Բելառուսը, Ղազախստանը, ԱՄԷ-ն 52 տոկոս ցուցանիշով, Ադրբեջանը, Ուզբեկստանը 20 տոկոս ցուցանիշով ու Վրաստանը։