ՊՊԾ պետի՝ բռնություն գործադրելու, սպառնալիքի մասին դատախազությունն ասելիք չունի

Քաղաքացիները դատախազության ուշադրությունն են հրավիրում այն փաստի վրա, որ ԱԱԾ Պետական պահպանության ծառայության պետ գեներալ Սարգիս Հովհաննիսյանը հարձակվում է MediaHub-ի լրագրողի ու օպերատորի վրա։

Ի դեպ, բացի ԶԼՄ աշխատակիցների նկատմամբ ուժ կիրառելուց, Սարգիս Հովհաննիսյանը սպառնում է ակցիայի մասնակիցներին։ «Քեզ խելոք պահի, բերանդ...»,-ասում է Հովհաննիսյանը ակցիայի մասնակիցներից մեկին, ով փորձում էր սթափեցնել ՊՊԾ քացի տված պետին։

Դատախազության հանրային կապերի բաժնի պետ Արևիկ Խաչատրյանը  Panorama.am-ին ասաց, որ տեսանյութի հետ կապված այս պահին որևէ բան չունեն ասելու, ընթացք տալու դեպքում կտեղեկացնի։