Թուրքիան Սիրիայում սպանել է PKK-ի 24 անդամի

Թուրքիայի զինված ուժերը Սիրիայի հյուսիսում սպանել է Քրդստանի աշխատավորական կուսակցության (PKK) ավելի քան 20 անդամի։ ՏԱՍՍ-ի փոխանցմամբ՝ այդ մասին չորեքշաբթի հայտնել է Թուրքիայի պաշտպանության նախարարությունը։

«Մենք վնասազերծել ենք Քրդական աշխատավորական կուսակցության 24 անդամի, որոնք հարձակվել են մեր զինվորականների վրա Սիրիայի հյուսիսում՝ «Ձիթենու ճյուղ» գործողության տարածքներում»,-ասվում է Թուրքիայի պաշտպանության նախարարության տարածած հայտարարության մեջ։

Ապրիլի 18-ին Անկարան նոր ռազմական գործողություն է սկսել Իրաքում PKK-ի դեմ, որի ընթացքում սպանվել են այդ կազմակերպության ավելի քան 60 անդամ։