Twitter-ը հնարավոր է որոշ օգտատերերի համար վճարովի դառնա. հայտարարել է Իլոն Մասկը

Twitter-ը կարող է վճարովի դառնալ ընկերությունների և պետական օգտատերերի համար, իր միկրոբլոգում գրել է SpaceX ընկերության հիմնադիր ու Tesla ընկերության սեփականատեր Իլոն Մասկը:

«Twitter-ը միշտ անվճար կլինի սովորական օգտատերերի համար, սակայն հնարավոր է ոչ մեծ վճար կոմերցիոն/պետական օգտատերերի համար»,- գրել է նա։

Հիշեցնենք, որ Մասկը ձեռք է բերել ամերիկյան հարթակը 44 միլիարդ դոլարով։