Կայացել է «Եվրատեսիլ-2022» մրցույթի բացման հանդիսավոր երեկոն

Թուրինում նախօրեին տեղի է ունեցել «Եվրատեսիլ-2022» երգի միջազգային մրցույթի բացման հանդիսավոր երեկոն, փիրուզագույն գորգով անցել են մրցույթի մասնակից 40 երկրի ներկայացուցիչները։

«Եվրատեսիլ 2022» երգի մրցույթում Հայաստանը ներկայացնող Ռոզա Լինը ելույթ կունենա մայիսի 10-ին կայանալիք առաջին կիսաեզրափակչում՝ 17-րդ համարի ներքո: Նա հանդես է գալու «Snap» երգով։

«Հայաստանի ներկայացուցիչ Ռոզա Լինը հեռուստադիտողներին հիշեցնում է՝ հոգ տանել իրենց մասին, հոգ տանել միմյանց մասին և երբեք չհրաժարվել սեփական երազանքներից: Նա ասում է, որ սա նաև իր «Snap» երգի ուղերձն է»,-նշված է Եվրատեսիլի կայքում։ 

Մրցույթը կայանալու է մայիսի 10-14-ը։