Արամն ազատ արձակվեց, պայքարը շարունակվում է. Արթուր Վանեցյան

«Հայրենիք» կուսակցության խորհրդի անդամ Արսեն Բաբայանը հայտնում է, որ «Հայրենիք» կուսակցության նախագահ Արթուր Վանեցյանի օգնական Արամ Գրիգորյանի նկատմամբ որպես խափանման միջոց է ընտրվել ստորագրությունը՝ չհեռանալու մասին։

«Այնքան անհեթեթ գործ է կարվել, որ նույնիսկ կեղծիքով չկարողացան ձերբակալել:

Շնորհակալություն փաստաբան Երվանդ Վարոսյանին»,- գրել է Բաբայանը։ 

«Հայրենիք» կուսակցության նախագահ Արթուր Վանեցյանը գրել է. 

«Արամը ազատ արձակվեց:

Պայքարը շարունակվում է»։ 

Հիշեցնենք, որ այսօր  խուզարկություն է իրականացվել Արամ Գրիգորյանի բնակարանում: Թեև բնակարանում որևէ բան չէր հայտնաբերվել, բայց Ա. Գրիգորյանը բերման էր ենթարկվել։

Փաստաբան Երվանդ Վարոսյանը լրագրողներին ասել էր, որ խնդիրը վերաբերում է մի տեսագրության, որ Արամը ձմռանը մուրացկաններին փող է բաժանում։

«Արամ Գրիգորյանը բերման է ենթարկվել հայտնի կասկածանքով՝ հավաքի մասնակիցներին նյութապես շահագրգռելը»,-ոստիկանության մոտ լրագրողների հետ զրույցում ասել էր նա։