Կաննում մերկ կինը հայտնվել է կարմիր գորգի վրա

Կաննի փառատոնի կարմիր գորգի վրա վազելով մուտք է գործել մերկ մի կին, ում կրծքավանդակը ներկված է եղել Ուկրաինայի դրոշի գույներով։ The Hollywood Reporter ամսագիրի տարածած լուրը ներկայացնում է «Գազետա ռու»-ն։

Ցուցարարը նաև կարմիր ներկով ներկված շորտեր է ունեցել հագին։ Ականատեսների վկայությամբ՝ կինը պոկել է իր ամբողջ հագուստը և գոռալով ծնկի է եկել հավաքված լուսանկարիչների աչքի առաջ։

Դրանից հետո անվտանգության աշխատակիցները վազել են նրա մոտ և ծածկել վերարկուով։ Նշվում է, որ փառատոն մուտք գործելու համար պետք է անցնել անվտանգության մի քանի ստուգումներ, իսկ կարմիր գորգի երկայնքով ուժեղացված անվտանգության ծառայություն կա։

Գործողությունը տեղի է ունեցել Ջորջ Միլլերի «Երեք հազար տարվա ցանկություններ» ֆիլմի պրեմիերայից առաջ, որում խաղում են Թիլդա Սուինթոնը և Իդրիս Էլբան։ Հաջորդ օրը Կաննում նախատեսված են մի շարք միջոցառումներ, որոնց նպատակն է համերաշխություն հայտնել Ուկրաինայի կինոարդյունաբերության  տուժածներին։