Սոչին ծրագրում է այս տարի ընդունել 7 մլն զբոսաշրջիկների

Սոչիի իշխանություններն ակնկալում են, որ մինչև տարեվերջ ավելի քան 7 միլիոն զբոսաշրջիկ կայցելի առողջարանային քաղաք, այդ թվում՝ ավելի քան 4 միլիոնն ամառվա ընթացքում։ Այս մասին Telegram-ի իր ալիքում գրել է Սոչիի քաղաքապետ Ալեքսեյ Կոպայգորոդսկին՝ փոխանցում է «Իզվեստիա․ռու»-ն։

«Այս ամառ մենք կընդունենք մոտ 4,5 միլիոն հյուր, իսկ ընդամենը մեկ տարվա ընթացքում՝ ավելի քան 7 մլն»,- ասել է նա։

Կոպայգորոդսկու խոսքով՝ Սոչին իրավամբ համարվում է Ռուսաստանի հարավային մայրաքաղաքը, և մարդիկ նորից ու նորից ցանկանում են վերադառնալ քաղաք։

Ավելի վաղ «Իզվեստիա․ռու»-ն հայտնել էր, որ Սոչին 2022-ին դարձել է երկաթուղային և ավիատոմսերի գնման առաջատարը, իսկ Ադլերը զբաղեցրել է հյուրանոցների ամրագրման առաջին տեղը:

Ավիաթռիչքների թոփ-10 ուղղություններում, չնայած ժամանակավոր սահմանափակումներին, ընդգրկվել են Սիմֆերոպոլը, Միներալնիե Վոդին, Անապան, Կալինինգրադը, Վլադիկավկազը, Եկատերինբուրգը։