Դերասան Ջոնի Դեփը շահել է նախկին կնոջ՝ Էմբեր Հերդի դեմ դատը

Դատարանը ամերիկացի դերասանուհի Էմբեր Հերդին մեղավոր է ճանաչել իր նախկին ամուսնուն՝ Ջոնի Դեփին ընտանեկան բռնության համար զրպարտելու մեջ։ Այս մասին հայտնում է Reuters-ը։

Բացի այդ, երդվյալ ատենակալները եզրակացրել են, որ Հերդի՝ նախկին ամուսնու հասցեին մեղադրանքների հետևում կա չարամտություն: Դատարանը Հերդին պարտավորեցրել է Դեփին վճարել 15 միլիոն դոլար փոխհատուցում։

Դեփ-Հերդի դատավարությունը սկսվել է ապրիլի 11-ին, իսկ մայիսի 28-ին ԱՄՆ-ում ավարտվել են տվյալ գործով դատական նիստերը։

Ջոնի Դեփը հայց է ներկայացրել դերասանուհի Էմբեր Հերդի դեմ և 50 միլիոն դոլար է պահանջել The Washington Post-ում հրապարակված հոդվածի համար, որտեղ նա իրեն ընտանեկան բռնության զոհ է անվանում։ Դեփը պնդել է, որ նախկին կնոջ հայտարարությունները զրպարտություն են։ Հերդն, իր հերթին, 100 մլն դոլարի հակընդդեմ հայց է ներկայացրել վիրավորանքների և ծեծի համար, որոնք նա, հնարավոր է, կրել է ամուսնության ժամանակ:

Դեփն ու Հերդը ամուսնացել են 2015-ի փետրվարին։ Նրանց հարաբերությունները Դեփի և ֆրանսիացի երգչուհի Վանեսա Պարադիի բաժանության պատճառ են դարձել։ Նրանք միասին էին 14 տարի։