Հայաստանում մեկ շաբաթում կորոնավիրուսի 43 նոր դեպք է հաստատվել

Հայաստանում վերջին մեկ շաբաթվա ընթացքում՝ մայիսի 30-ից հունիսի 5-ը  հաստատվել է կորոնավիրուսային հիվանդության 43 դեպք։ Այս ժամանակահատվածում առողջացել է 15 հիվանդ, մահվան դեպքեր չեն գրանցվել։

ԱՆ ներկայացրած տվյալներով, Հայաստանում հունիսի 5-ի դրությամբ հաստատվել է կորոնավիրուսային հիվանդության ընդհանուր 423 006 դեպք, որոնցից 412 621 առողջացած:  Փաստացի բուժում է ստանում 76 պացիենտ:

Ընդհանուր առմամբ, կորոնավիրուսի հետևանքով 8625 մահվան դեպք է արձանագրվել: Մահվան ևս 1684 դեպք է գրանցվել, երբ պացիենտներն ունեցել են կորոնավիրուսային վարակ, սակայն, ըստ ԱՆ-ի, մահը վրա է հասել այլ հիվանդության պատճառով:

Համավարակից ի վեր, ըստ պաշտոնական տվյալների, Հայաստանում մահացել է 10 հազար 309 կորոնավիրուսով հիվանդ։

Ընդհանուր կատարվել է  3 109 931 թեստավորում: