Կանադան և Դանիան լուծել են շուրջ կես դար շարունակվող տարածքային վեճը

Կանադայի և Դանիայի իշխանությունները լուծել են 1973 թվականից շարունակվող տարածքային վեճը Քենեդի նեղուցում գտնվող Հանս կղզու պատկանելության վերաբերյալ: Այս մասին գրում է iz.ru կայքը՝  հղում անելոց Globe and Mail թերթին, որն էլ է վկայակոչել է իր աղբյուրներ։

Պարբերականի տվյալներով, փոքրիկ կղզին կբաժանվի կանադական Նունավուտի և Դանիայի կազմում ինքնավար տարածք համարվող Գրենլանդիայի միջև։

Պաշտոնապես Հանսի տարածքային պատկանելության հարցով որոշումը կհրապարակվի հունիսի 14-ին։

Հանս փոքր կղզու պատկանելիության վերաբերյալ վեճը սկսվել է 1973 թվականին, երբ Դանիան և Կանադան բանակցում էին ծովային սահմանի շուրջ։ Արդյունքում այս հարցը ձգձգվել է գրեթե կես դար։ Կղզին ունի ընդամենը 1290 մետր երկարություն, 1199 մետր լայնությունը ։ Տարածքը կազմում է 1,3 կմ²։

Կողմերը երբեք բուռն քննարկումներ չեն ունեցել կղզու պատկանելության վերաբերյալ, նույնիսկ հումորով են վերաբերվել իրավիճակին։ Այսպիսով, 1984-ին դանիացիները կղզի էին ուղարկել զինվորականներին, ովքեր այնտեղ տեղադրել էին Դանիայի դրոշը, թողել դանիական շնաապի շիշ՝ «Բարի գալուստ Դանիայի կղզի» գրությամբ:

Ի պատասխան՝ կանադացիներն իրենց դրոշն էին տեղադրել և թողել մի շիշ Canadian Club վիսկի։