Դրագին, Մակրոնը և Շոլցը ժամանել են Ուկրաինա

Ուկրաինա են ժամանել Իտալիայի վարչապետ Մարիո Դրագին, Ֆրանսիայի նախագահ Էմանուել Մակրոնը և Գերմանիայի կանցլեր Օլաֆ Շոլցը։ «Գազետա ռու»-ն գրում է, որ այս մասին հայտնում է իտալական RaiNews24 հեռուստաալիքը։

Հեռուստաալիքը ցուցադրել է եվրոպացի քաղաքական գործիչների լուսանկարը, որոնք ոչ պաշտոնական զրուցում են գնացքի սեղանի շուրջ: Նշվում է, որ նրանց գնացքը Վարշավայից շարժվում է Կիև։

Այն, որ Իտալիայի վարչապետը, Ֆրանսիայի նախագահը և Գերմանիայի կանցլերը մտադիր են այցելել Ուկրաինայի մայրաքաղաք, առաջին անգամ հայտնի դարձավ հունիսի 11-ին, երբ այդ մասին հայտնեց Bild am Sonntag թերթը։ Ավելի ուշ հաղորդվեց, որ նրանք Կիև կժամանեն հունիսի 16-ի առավոտյան գնացքով։