Աշխարհում մայիսի վերջից ի վեր առաջին անգամ գրանցվել է կորոնավիրուսով հիվանդացության աճ

Աշխարհում այս շաբաթ կորոնավիրուսով վարակման նոր դեպքերի թիվը գերազանցել է 3,4 միլիոնը, ինչը, ըստ ՏԱՍՍ-ի հաշվարկների, 300 հազարով ավելին է, քան նախորդ շաբաթ։ Վարակվածությունը մայիսի վերջից ի վեր առաջին անգամ աճել է։

Այնուամենայնիվ, մահացության մակարդակը շարունակում է նվազել։

Յոթ օրվա ընթացքում COVID-19-ի պատճառով մահացել է 8,7 հազար մարդ, ինչը 900-ով պակաս է նախորդ շաբաթվա համեմատ և 2020 թվականի գարնանից սկսած նոր նվազագույն ցուցանիշն է։