«Հրապարակ». Ինչու Տիգրան Ուլիխանյանը հայտնվեց ՔՊ «սև ցուցակում» և մնաց անգործ

«Հրապարակ» թերթը գրում է.

«Պետական վերահսկողական ծառայության նախկին ղեկավար Տիգրան Ուլիխանյանին անցյալ դեկտեմբերի 9-ին ազատեցին պաշտոնից և փոխարենը նշանակեցին կարկառուն ՔՊ-ական Ռոմանոս Պետրոսյանին։ Երեկ Ուլիխանյանը հայտարարեց ՔՊ-ից հեռանալու մասին։

Թե ինչու նա հայտնվեց ՔՊ «սև ցուցակում» և մնաց անգործ, երբ Նիկոլ Փաշինյանն իր թիմակիցներից ոչ մեկին անգործ չի թողնում՝ կադրային «ռակիրովկաներ» է անում, մի բան տալիս, որ յոլա գնան, իշխանական մեր աղբյուրներն ասացին, որ Ուլիխանյանը «վիզ չի դրել» թիմի համար, ձախողել է գրեթե բոլոր կուսակցական հանձնարարությունները։

Փաշինյանը հատկապես ծանր է տարել Սյունիքի համայնքապետարաններում իրականացված ստուգումների ձախողումը, որ չկարողացան հանրության առջև մի շքեղ շոու բեմադրել՝ բացահայտումներով և իր հակառակորդների մերկացումներով։ Ասում են՝ զուգահեռաբար նաև տրվել է հաճույքներին՝ խնջույքներ, զվարճություններ, որի մասին անգամ ինչ-որ տեսագրություններ կան։ Ի դեպ, այս ամիսներին նա քանիցս գործ է խնդրել կուսակցական վերնախավից, սակայն մերժվել է»։

Մանրամասները թերթի այսօրվա համարում