Լուսնի վրա անհայտ հրթիռ է ընկել ու նոր խառնարաններ առաջացրել

Առեղծվածային հրթիռի հարվածից հետո Լուսնի վրա նոր խառնարաններ են նկատվել։  NASA-ի տարածած նոր նկարները բացահայտել են արտասովոր խառնարանների գտնվելու վայրը:

CNN-ը գրում է, որ հրթիռի հարվածից առաջացել են երկու խառնարաններ, արևելյան խառնարանն ունի 18 մետր լայնություն, իսկ արևմտյան խառնարանը՝ 16 մետր:

Տարիներ շարունակ տիեզերքում պտտվող հրթիռին հետևող աստղագետները չնայած ակնկալում էին, որ լուսնի հետ բախում լինելու է, սակայն խառնարանների առաջացումն անակնկալ է։ Նման խառնարաններ առաջացնելու համար, ենթադրվում է, որ հրթիռը պետք է ունենա մեծ զանգված։

Սովորաբար, հրթիռներն ամենամեծ զանգվածն ունեն շարժիչի հատվածում: Բայց խառնարանների առաջացումը հուշում է, որ այս օբյեկտը երկու ծայրերում էլ մեծ զանգված է ունեցել։ Հրթիռի ստույգ ծագումը պարզ չէ, ուստի խառնարանները կարող են աստղագետներին օգնել պարզել այն։

Աստղագետները ենթադրում են, որ օբյեկտը պատկանում է Չինաստանին, սակայն Չինաստանը հերքում է։