ԱՀԿ-ն կոչ է անում անհապաղ միջոցներ ձեռնարկել կապկի ծաղկի դեմ

Առողջապահության համաշխարհային կազմակերպության (ԱՀԿ) Եվրոպայի տարածաշրջանային տնօրեն Հանս Կլյուգեն կոչ է արել կառավարություններին ակտիվացնել պայքարը կապկի ծաղկի տարածման դեմ։ «Գազետա ռու»-ի փոխանցմամբ՝ նրա հայտարարությունը գլխավորում է ԱՀԿ մամուլի ծառայության պաշտոնական կայքէջը։

«Անհրաժեշտ է հրատապ և համակարգված գործողություններ, եթե մենք ուզում ենք կանխել ալիքը և կանգնեցնել այս հիվանդության շարունակվող տարածումը»,-ասել ԱՀԿ տարածաշրջանային գրասենյակի ղեկավարը։

Նրա տվյալներով՝ կազմակերպության եվրոպական տարածաշրջանը ստանում է մայիսի կեսերից ի վեր ամբողջ աշխարհում լաբորատոր հաստատված և հաղորդված բոլոր դեպքերի գրեթե 90%-ը, իսկ հունիսի կեսերից դեպքերի թիվը եռապատկվել է և հասել ավելի քան 4,5 հազարի։