Թուրքիայի դեսպանը հայտարարել է, որ Թուրքիայի քաղաքացիների համար ՌԴ վիզային ռեժիմի դյուրինացման անհրաժեշտություն կա

Թուրքիայի քաղաքացիների համար ռուսական վիզային ռեժիմի դյուրացումն անհրաժեշտ է երկու երկրների տնտեսության զարգացման համար։ ՏԱՍՍ-ի փոխանցմամբ՝ այդ մասին Innoprom միջազգային արդյունաբերական ցուցահանդեսում Ռուսաստան-Թուրքիա գործարար համաժողովի ժամանակ հայտարարել է Ռուսաստանում Թուրքիայի դեսպան Մեհմեդ Սամսարը։

«Կարևոր գործոններից մեկը, որը կօգնի Ռուսաստանի և Թուրքիայի հարաբերություններն էլ ավելի ակտիվ զարգացմանը, վիզային ռեժիմի վերացումն է կամ առնվազն Թուրքիայի քաղաքացիների համար վիզային ռեժիմի մեղմացումը»,-ասել է նա։ Դեսպանը նշել է, որ այսօր Ռուսաստան ժամանելուն պես Թուրքիայի քաղաքացիների համար վիզայի, ինչպես նաև երկրում բիզնես գործունեության հետ կապված խնդիրներ են առաջանում։

«Մենք պետք է հնարավոր ամեն ինչ անենք և երկու փոխնախարարների  ներկայությամբ ցանկանում էինք խնդրել, որ այս թեմային ուշադրությամբ վերաբերվենք»,-հավելել է նա։

Խոսելով երկու երկրների տնտեսության մասին՝ ՌԴ-ում Թուրքիայի դեսպանը նշել է, որ երկրների միջև ապրանքաշրջանառությունը անցյալ տարի կազմել է 35 մլրդ դոլար, իսկ այս տարվա վեց ամսում արտաքին առևտրաշրջանառության ծավալն արդեն հասել է 30 մլրդ դոլարի։ Էներգակիրներ։ Այնուամենայնիվ, ապրանքների փոխանակումը համարժեք չէ հարաբերություններին: Ռուսական արտահանման մեծ մասն էներգակիրներն են:

«Թուրքական արտահանումը չի կարող հասնել այն ցուցանիշներին, որոնք ծածկված են ռուսական էներգակիրների արտահանմամբ»,-ասել է նա։