Թուրքիայում տուրիստական ​​ավտոբուսի վթարի հետևանքով վեց մարդ է զոհվել

Թուրքիայում ուղևորներով ավտոբուս է շրջվել։ Վթարի հետևանքով զոհվել է առնվազն վեց մարդ, ևս 25 ուղևոր ստացել է տարբեր ծանրության վնասվածքներ։ Այս մասին գրում է ren.tv կայքը։

Վթարը տեղի է ունեցել այսօր առավոտյան Կրկլարելի -Ստամբուլ ավտոճանապարհին։ Նախնական տվյալներով, միջքաղաքային ավտոբուսի վարորդը ինչ-որ պահի կորցրել է կառավարումը և այն շրջվել է։ Տեղի ունեցածի ստույգ պատճառները դեռ պարզվում են։ Ավտուբուսը պատկանել է տուրիստական ընկերության։