Defense News. ԱՄՆ-ի բանակը Ուկրաինայի պատերազմի արդյունքներով արդիականացնում է իր հրետանին

ԱՄՆ-ի բանակը նախատեսում է արդիականացնել հրետանին Ուկրաինայում հատուկ գործողությունից հետո: Defense News-ի տարածած նյութը ներկայացնում է «Գազետա ռու»-ն։

Նշվում է, որ առաջնահերթություն են դառնալու հեռահար հրթիռներն ու հրետանին։

ԱՄՆ բանակի շտաբի պետ, գեներալ Ջեյմս Մակքոնվիլի խոսքով՝ Ուկրաինայում ռուսական հատուկ գործողության դիտարկման ընթացքում հնարավոր է եղել հասկանալ, որ ԱՄՆ բանակը արդիականացման համար ճիշտ առաջնահերթ ոլորտներ է ընտրել։

Ըստ Մակքոնվիլի՝ ԱՄՆ բանակի ուժերը Եվրոպայում զբաղված են ուկրաինական ուժերին աջակցելով, մարզելով և դասեր են քաղում երկրում ընթացող մարտերից։