Fitch-ը Թուրքիայի վարկային վարկանիշը նվազեցրել է մինչև «աղբայինի» մակարդակ

Fitch վարկանիշային գործակալությունը նվազեցրել է Թուրքիայի վարկային վարկանիշը B+-ից մինչև B կամ՝ «աղբայինի»՝ հետագա բացասական կանխատեսմամբ: «Գազետա ռու»-ն գրում է, որ այդ մասին ասվում է գործակալության մամուլի հաղորդագրության մեջ։

Պարզաբանվում է, որ պատճառներից մեկը երկրում աճող գնաճն էր։ Գործակալության կանխատեսումներով՝ մինչև 2023 թվականը Թուրքիայում միջին տարեկան գնաճը կարող է հասնել 71,4 %-ի։

Fitch-ը հավելել է, որ Թուրքիայի քաղաքականությունը, որը վերջին ժամանակներս գնալով ավելի անկանխատեսելի է դառնում, հրահրում է «պարույրային գնաճ» և խոչընդոտում երկիր կապիտալի ներհոսքին։