Տոյվո Կլաարը՝ Երևանից Բաքու

Հարավային Կովկասի ու Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը, ով երկու օր առաջ Երևանում էր, այժմ Բաքվում է։ 

Նա Թվիթերի իր էջում լուսանկար է հրապարակել Բաքվից ու գրել է. «Սպասվում են կարևոր հանդիպումներ»։

Հայաստանում Կլաարը հանդիպել էր Նիկոլ Փաշինյանի հետ։ Կառավարության հաղորդագրության համաձայն՝ «հանդիպմանն անդրադարձ է կատարվել Հարավային Կովկասի տարածաշրջանում տեղի ունեցող գործընթացներին, Լեռնային Ղարաբաղի շուրջ իրավիճակին, խաղաղության ու կայունության ապահովմանն ուղղված քայլերին: Մասնավորապես, մտքեր են փոխանակվել Սոչիում ՌԴ նախագահի, Բրյուսելում Եվրոպական խորհրդի նախագահի միջնորդությամբ կայացած եռակողմ հանդիպումների արդյունքների ու ձեռք բերված պայմանավորվածությունների իրականացման վերաբերյալ:…

Անդրադարձ է կատարվել նաև հայ-թուրքական հարաբերությունների կարգավորման գործընթացին»: