Երևանի առանձին հատվածներում հնարավոր է կարճատև անձրև և ամպրոպ

Հանրապետության հովտային և նախալեռնային գոտիներում բարձր կարգի հրդեհավտանգ իրավիճակը կպահպանվի:

ԱԻՆ-ից հայտնում են, որ հանրապետության տարածքում հուլիսի 29-ի ցերեկը սպասվում է առանց տեղումների եղանակ: Հուլիսի 30-31-ը, օգոստոսի 1-3-ի կեսօրից հետո առանձին շրջաններում սպասվում է կարճատև անձրև և ամպրոպ:

Քամին՝ հարավարևմտյան` 2-5 մ/վ: Արմավիրում, Արագածոտնի և Կոտայքի նախալեռներում երեկոյան ժամերին սպասվում է քամու ուժգնացում` 15-20 մ/վ։

Օդի ջերմաստիճանն էապես չի փոխվի:

Երևան քաղաքում հուլիսի 29-ի ցերեկը, օգոստոսի 1-3-ը սպասվում է առանց տեղումների եղանակ: Հուլիսի 30-ի երեկոյան ժամերին, 31-ի գիշերը և երեկոյան ժամերին քաղաքի առանձին հատվածներում հնարավոր է կարճատև անձրև և ամպրոպ։ Երեկոյան ժամերին սպասվում է քամու ուժգնացում` 15-20 մ/վ արագությամբ: