Սպասվում է անձրև, ամպրոպ, քամու ուժգնացում

Հանրապետության հովտային և նախալեռնային գոտիներում բարձր կարգի հրդեհավտանգ իրավիճակը կպահպանվի:

Հայաստանի տարածքում օգոստոսի 2-ին կեսօրից հետո, 3-4-ին գիշերը և կեսօրից հետո առանձին շրջաններում, 5-7-ին գիշերը և կեսօրից հետո շրջանների զգալի մասում սպասվում է կարճատև անձրև և ամպրոպ: Քամին՝ հարավարևմտյան 2-5մ/վրկ: Երեկոյան ժամերին և ամպրոպի ժամանակ սպասվում է քամու ուժգնացում 15-20 մ/վրկ։ Հիդրոօդերևութաբանության և մոնիթորինգի կենտրոնից հայտնում են, որ օդի ջերմաստիճանն օգոստոսի 05-06-ին կնվազի 6-8 աստիճանով:

Երևանում օգոստոսի 2-ի ցերեկը, 3-4-ին սպասվում է առանց տեղումների եղանակ: Օգոստոսի 5-7-ին երեկոյան ժամերին և գիշերը սպասվում է կարճատև անձրև և ամպրոպ։ Երեկոյան ժամերին և ամպրոպի ժամանակ սպասվում է քամու ուժգնացում՝ 15-20 մ/վրկ արագությամբ: