«Հրապարակ». Լրագրողները անցանկալի՞ անձ են Արցախում

«Հրապարակ» թերթը գրում է.

«Երեկ Ռուս խաղաղապահները թուլ չեն տվել Հայաստանից մեկնած լրագրողներից ոմանք մուտք գործեն Արցախի հանրապետություն: «Մեդիահաբի» լրագրող Անի Գևորգյանին, մասնավորապես, ասել են, որ իրենց ցուցակ են փոխանցել, որ կան լրագրողներ, որոնց  մուտքը թույլ չեն տալու, Արցախի ԱԳՆ-ից էլ պարզաբանել են, որ իրենք որևէ ցուցակ չեն փոխանցել:

Կան տեղեկություններ, որ ՀՀ իշխանություններն են խաղաղապահներին ցուցակ փոխանցել և արգելել անցանկալի «հյուրերի» մուտքը Արցախ, ինչպես Փառուխի դեպքերի օրերին, երբ ՀՀ ընդդիմադիր պատգամավորներին թույլ չտվեցին մտնել Արցախ՝ պատճառաբանելով, թե անվտանգային խնդիրներ չստեղծելու նպատակով են նման որոշում ընդունել: Հիշեցնենք, որ օրեր առաջ էլ 1-in.am-ի լրագրողին էին արգելել հատել սահմանը»։

Մանրամասները թերթի այսօրվա համարում։