Ամենից շատ կարդացված նյութեր
.jpg "Իրանում գրանցվել է կապիկի ծաղիկով վարակման առաջին դեպքը")
Իրանում գրանցվել է կապիկի ծաղիկի առաջին դեպք։ «Ռիա Նովոստի» գործակալության փոխանցմամբ, այս մասին հայտարարել է Իրանի առողջապահության նախարարության խոսնակ Պեդրամ Փաք-Աինը։
«Կապիկի ծաղիկը հայտնաբերվել է 34-ամյա կնոջ մոտ»,- ասել է նա։
Նա նշել է, որ հիվանդն ապրում է Իրանի հարավ-արևմուտքում գտնվող Ահվազ քաղաքում, հիվանդությունը հաստատելուց հետո նրան անմիջապես մեկուսացրել են։
Հիշեցնենք, որ ԱՀԿ-ն կապիկի ծաղիկի բռնկումը հայտարարել է որպես հանրային առողջության արտակարգ իրավիճակ ամբողջ աշխարհում, սակայն նշվել է, որ բռնկումը չափավոր վտանգ է ներկայացնում աշխարհի բոլոր տարածաշրջանների համար, բացի Եվրոպայից:
Կապիկի ծաղիկը հազվագյուտ վիրուսային վարակ է, որը փոխանցվում է նաև մարդկանց միջև: Սովորաբար մարդկանց մեծամասնությունը վերականգնվում է մի քանի շաբաթվա ընթացքում, սակայն ոմանց մոտ կարող են բարդություններ առաջանալ: Կապիկի ծաղիկի սկզբնական ախտանշանները ներառում են ջերմություն, գլխացավ, մկանային ցավ, մեջքի ցավ, այտուցված ավշային հանգույցներ, դող և հյուծվածություն:
Studio One