Չավուշօղլուն հայտարարել է, որ Թուրքիան ու Իսրայելը փոխադարձաբար դեսպաններ կնշանակեն

Թուրքիայի ԱԳ նախարար Մևլութ Չավուշօղլուն Ղրղստանի պաշտոնակից Ջեենբեկ Կուլուբաևի հետ հանդիպմանը հաջորդած մամուլի ասուլիսի ժամանակ հայտարարել է Իսրայելի հետ փոխադարձաբար դեսպաններ նշանակելու Անկարայի որոշման մասին, գրում է Էրմենիհաբերը։

Չավուշօղլուն նշել է, որ կրկին դեսպանների նշանակումը Իսրայելի հետ սկսված հարաբերությունների ամբողջական կարգավորման գործընթացի բաղկացուցիչ մասն է:

«Մեք հայտարարել էինք, որ դեսպանների նշանակման համար աշխատանքներ ենք սկսել: Իսրայելն էլ դրական քայլ արեց: Թուրքիան Իսրայելում դեսպան նշանակելու որոշում է կայացրել»,- ասել է Չավուշօղլուն՝ նշելով, որ շուտով կհստակեցվեն դիվանագետների անունները:

Հիշեցնենք, որ երկու երկրների հարաբերությունները սրվել էին  2010 թվականին «Մավի Մարմարա» նավի միջադեպից հետո: Գազայի հատված մեկնող «Ազատության տորմիղի» միջադեպը, որի ժամանակ իսրայելցի հատուկջոկատայինները տորմիղի դրոշակակիր թուրքական «Մավի Մարմարա» նավում սպանեցին 9 թուրքի, ինչը հանգեցրեց Թուրքիայի և Իսրայելի միջև հարաբերությունների կտրուկ վատթարացմանն ու դիվանագ՛տական հարաբերությունների մակարդակի իջեցմանը:

Իսրայելու նոր կառավարության ձևավորումից հետո սկսել է հարաբերությունների վերականգնման գործըթնաց, ինչի համատեքստում Թուրքիայի արտգործնախարարը մեկնել էր Իսրայել։ Դրան հաջորդեց Իսրայելի արտգործնախարարի ու նախագահի այցը Թուրքիա։