Երևանը երեխա ունեցող ռուս ընտանիքների համար դարձել է հանգստի ամենանախընտրելի վայրը

Փորձագետները պատմել են, թե որտեղ են այս ամառ ամենից հաճախ ընտանիքներն իրենց երեխաների հետ հանգստացել։

«Ռիա Նովոստի» գործակալության փոխանցմամբ, ըստ վերլուծաբանների, Սոչին դարձել է ամենահայտնի զբոսաշրջային ուղղությունը։ Այս առողջարանային քաղաքին բաժին է ընկնում «մանկական ուղևորահոսքի» 35 տոկոսը։ Վարկանիշային աղյուսակում երկրորդ տեղում Մոսկվան է, իսկ երրորդ տեղում՝ Սանկտ Պետերբուրգը։

Լավագույն տասնյակում են նաև Կալինինգրադը, Մախաչկալան, Միներալնիե Վոդին, Կազանը, Նովոսիբիրսկը, Վլադիվոստոկը և Իրկուտսկը:

Իսկ արտասահմանյան ուղղություններից երեխաների հետ զբոսաշրջիկների շրջանում ամենապահանջվածն են Երևանը, Բիշքեկը, Անթալիան, Բաքուն և Տաշքենդը։