Հրապարակվել է «Հիսուս Քրիստոսի մոնումենտալ արձան-համալիրի» նախագծի վերջնական անիմացիոն տարբերակը

«Գագիկ Ծառուկյան» բարեգործական հիմնադրամը ֆեյսբուքի իր պաշտոնական էջում հրապարակել է «Հիսուս Քրիստոսի մոնումենտալ արձան-համալիրի» նախագծի վերջնական անիմացիոն տարբերակը:

Ըստ նախագծի՝ 1700 աստիճանները Հատիս սարի ստորոտից ցանկացողներին կհասցնեն արձանի մոտ, կկառուցվի նաև ճոպանուղի:

Քանդակագործ Արմեն Սամվելյանի հեղինակած Քրիստոսի արձանն ունենալու է 77.7 մետր բարձրություն:

Հիշեցնենք, որ արձան-համալիրը կառուցելու համար նախագիծը պետք է անցնի համապատասխան փորձաքննություն, ստանա ՀՀ օերնքներով սահմանված շինարարության թույլտվությունները և միայն նախագծերի հաստատումից հետ կսկսվեն շինարարական աշխատանքները: