ԱՄՆ-ն արգելել է սուպերհամակարգիչների համար չիպեր մատակարարել Ռուսաստան և Չինաստան

ԱՄՆ նախագահ Ջո Բայդենի վարչակազմը չիպեր արտադրողներին, որոնք հայտնի են որպես Nvidia և AMD գրաֆիկական մշակման միավորներ (GPU), հրամայել է դադարեցնել որոշ ապրանքների արտահանումը Չինաստան և Ռուսաստան: «Ինտերֆաքս»-ը գրում է, որ, այդ մասին հայտնել են ամերիկյան լրատվամիջոցները։

The New York Times-ը գրում է, որ այն ԱՄՆ կառավարության վերջին փորձն էր օգտագործել կիսահաղորդիչները որպես գործիք՝ զսպելու մրցակիցների առաջընթացն այնպիսի ոլորտներում, ինչպիսիք են գերհամակարգիչները, բարձր արդյունավետությամբ հաշվողականությունը և արհեստական ինտելեկտը:

Ըստ պարբերականի՝ սուպերհամակարգիչներն օգտագործվում են զենքի նոր տեսակների մշակման և հետախուզական տվյալներ հավաքելու համար, իսկ արհեստական ինտելեկտի տեխնոլոգիան օգտագործվում է վիդեո պատկերներում դեմքերը բացահայտելու համար։