Իրանն անվտանգության նկատառումներից ելնելով ժամանակավորապես փակել է Իրաքի հետ սահմանը

Իրանի իշխանություններն ուրբաթ օրը որոշել են Իրաքի հետ սահմանին ժամանակավորապես փակել բոլոր անցակետերը մինչև հետագա ծանուցումը՝ կապված հարևան երկրի սրբավայրերի զանգվածային ուխտագնացության հետ: ՏԱՍՍ-ը հայտնում է, որ այդ մասին հայտնում է Al Sumaria հեռուստաալիքը։

Ըստ Իրանի իշխանությունների՝ իրաքյան կողմը չի կարողանում կարգավորել ուխտավորների հոսքը, իսկ հաստատված շոգի պայմաններում դա վտանգ է ներկայացնում նրանց կյանքին ու անվտանգությանը։

«Մտահոգության հիմքերը սահմանի արագ հատումն ապահովելու իրաքյան կողմի անկարողությունն է, սահմանի մյուս կողմում անբավարար զարգացած ենթակառուցվածքները, ինչպես նաև շոգին ուխտավորների կուտակումները»,-մեջբերում է հեռուստաալիքը հատուկ իրանցիների համար գերատեսչության տարածած հայտարարությունը:

Շիա մահմեդականները սկսել են ուխտագնացություն Իրաք Արբաինի (արաբերեն՝ «քառասուն») սգո արարողությունների կապակցությամբ, որը նվիրված է 7-րդ դարում Իմամ Հոսեյնի ողբերգական մահվան քառասուներորդ օրվան: Այս արարողությունները տեղի են ունենում ամեն տարի Իրանում և Իրաքում: Համաձայն իսլամական լուսնային օրացույցի՝այս տարի արարողության ամսաթիվը համընկնում է սեպտեմբերի 17-ին: Հիմնական միջոցառումն ավանդաբար զանգվածային ուխտագնացությունն է դեպի Իրաքի տարածքում գտնվող կրոնական սրբավայրեր: Հունիսի 7-ին երկու երկրները պայմանավորվել են ամբողջությամբ վերացնել վիզաները Իրաք այցելել ցանկացող իրանցի ուխտավորների համար։