Բրիտանացիներին խնդրել են Եղիսաբեթ II-ի հիշատակին խաղալիք արջուկներ չբերել Բուքինգհեմյան պալատ

Մեծ Բրիտանիայի բնակիչներին, որոնք ցանկանում են հարգել Եղիսաբեթ 2-րդի հիշատակը, խնդրել են փափուկ արջուկներ և փուչիկներ չբերել Բուքինգհեմյան պալատ։ Այս մասին ասված է թագավորական զբոսայգիները կառավարող Royal Parks կազմակերպության կայքի հաղորդագրությունում, փոխանցում է «Ռիա Նովոստի» գործակալությունը։

«Ցավոք, ոչ մի նվեր և այլ իրեր չեն ընդունվելու, խնդրում ենք դրանք այգիներ չբերել։ Ծաղիկների հետ կապ չունեցող իրեր, ինչպիսիք են արջուկները կամ փուչիկները, չպետք է ձեզ հետ բերել»,- նշվում է հաղորդագրությունում։

Միաժամանակ նշվում է, որ բացիկները կընդունվեն։ Ինչ վերաբերում է ծաղիկներին, ապա բրիտանացիներին խնդրում են դրանք բերել առանց փաթեթավորման։

Ինչպես հայտնում է տեղական մամուլը, բազմաթիվ բրիտանացիներ ծաղիկների հետ միասին սկսել են թագավորական նստավայրեր բերել Փադինգթոն արջուկներ։ Դա պայմանավորված է նրանով, որ հունիսին Եղիսաբեթ II-ի գահակալության պլատինե հոբելյանի կապակցությամբ ցուցադրվել է ցուցադրվել է տեսահոլովակ, որտեղ թագուհին թեյ է խմում այդ արջուկի ՝ գրող Մայքլ Բոնդի գրքի հերոսի հետ:

Բուքինգհեմյան պալատը սեպտեմբերի 8-ին հայտարարել է, որ Շոտլանդիայում 96 տարեկանում մահացել է Մեծ Բրիտանիայի թագուհի Եղիսաբեթ II-ը, ով երկիրը ղեկավարել է ավելի քան 70 տարի։ Նրա հուղարկավորությունը տեղի կունենա Վեսթմինսթերյան աբբայությունում սեպտեմբերի 19-ին: