Իրանն առաջիկայում օրական 9 մլն խմ ռուսական գազ կգնի. մատակարարումը կիրականացվի Ադրբեջանի տարածքով

Իրանն առաջիկայում կարող է իր կարիքների համար Ռուսաստանից օրական մոտ 9 միլիոն խորանարդ մետր գազ գնել։ Այս մասին հայտնում է «Գազետա.ռու»-ն՝ հղում անելով Իրանի նավթի նախարարությանը։

Մատակարարումները կիրականացվեն Իրանի ազգային նավթային ընկերության (NIOC) և «Գազպրոմի» կողմից մոտ 40 մլրդ դոլար արժողությամբ ստորագրված էներգետիկ համագործակցության մասին հուշագրի շրջանակում։

Գործակալության տվյալներով՝ Իրան գազի մատակարարումները կիրականացվեն Ադրբեջանի տարածքով։ Բացի այդ, նախատեսվում է օրական գնել 6 մլն խմ գազ՝ Իրանից այլ երկրներ սվոպ մատակարարելու համար: