Էրդողանը կրկին առաջարկել է Պուտին-Զելենսկի հանդիպում կազմակերպել

Թուրքիայի նախագահ Թայիփ Էրդողանը հայտարարել է, որ պաշտոնական Անկարայի նպատակն է կազմակերպել ՌԴ նախագահ Վլադիմիր Պուտինի և Վլադիմիր Զելենսկու հանդիպումը և հասնել կայուն հրադադարի։ Այս մասին գրում է ՌԻԱ Նովոստին։

«Մեր նպատակն է հնարավորինս շուտ կազմակերպել Պուտինի և Զելենսկու հանդիպումը՝ կայուն հրադադարի հասնելու համար»,- ասել է Էրդողանը երկուշաբթի կառավարության նիստից հետո։

Թուրքիայի ղեկավարը նաև շնորհակալություն է հայտնել Պուտինին և Զելենսկիին՝ Մոսկվայի և Կիևի միջև ռազմագերիների փոխանակման համար։