«Հրապարակ». Ինչ է հասկացնում Փաշինյանն իր ընտանեկան կայքում հրապարակված հոդվածով

«Հրապարակ» թերթը գրում է.

«Երեկ Նիկոլ Փաշինյանի ընտանեկան կայքում հրապարակված հոդվածը, որով ներկայացվում էին Ադրբեջանի` Հայաստանին ուղղված 5 պահանջները, ընդդիմադիրներն ընկալել էին որպես նախկին նախագահներին ուղղված աղերսագին խնդրանք՝ աջակցել ստեղծված իրավիճակում: Ասում էին, որ այդ խնդրանքը նաև ուղեկցվում է շանտաժով, մասնավորապես խոսքը հինգերորդ կետի մասին է․

«Անհետ կորած ադրբեջանցիների ճակատագրի պարզաբանում՝ հնարավոր է հետագայում Հայաստանին պատերազմական հանցագործությունների մեջ մեղադրելու միտումով»:

Գաղտնիք չէ, որ Ալիևը պատերազմի հանցագործների կարգավիճակում տեսնում է Ռոբերտ Քոչարյանին ու Սերժ Սարգսյանին, իսկ անհետ կորածների թեման գնում հասնում է Լևոն Տեր-Պետրոսյանի ժամանակները։ Ասում էին, որ սրանով Փաշինյանը հասկացնում է, որ եթե ընդունի Ադրբեջանի այդ պահանջները, նախկին նախագահներն էլ են պատասխան տալու»։

Մանրամասները թերթի այսօրվա համարում