Նավթի արդյունահանման ոլորտի աշխատողները միացել են Իրանում ընթացող բողոքի ակցիաներին

Իրանում շարունակվող զանգվածային հակակառավարական ցույցերին վերջին երկու օրերին միացել են նավթարդյունաբերության ոլորտի՝ Իրանի տնտեսության առանցքային ճյուղերից մեկի աշխատակիցները: Այդ մասին հայտնում է «Կոմերսանտը»։

Հրատարակման համաձայն՝ հոկտեմբերի 10-ին Բուշերի, Դամավանդի և Էսելույեի խոշոր նավթավերամշակման գործարանների աշխատակիցները գործադուլ են կազմակերպել։ Ավելի քան 1000 նավթագործներ փակել են տեղական ճանապարհները և վանկարկել՝ «Մահ բռնապետին»։

Նախօրեին բողոքի ակցիաներին միացել էին Աբադանի՝ երկրի խոշորագույն նավթավերամշակման գործարանի աշխատակիցները։ Տեղական աշխատողների կոմիտեի հայտարարության մեջ նշվում է, որ զանգվածային բողոքի ցույցերի ժամանակն է և նախազգուշացրել է համընդհանուր գործադուլների մասին:

«Սա ճանապարհի միայն սկիզբն է, մենք ամեն օր շարունակելու ենք մեր բողոքի ակցիաները ժողովրդի հետ»,-ասվում է հայտարարության մեջ։

Իրանի իշխանությունների ներկայացուցիչները նավթարդյունաբերության աշխատողների բողոքները բացատրել են աշխատանքային պայմանագրերի շուրջ անհամաձայնությամբ, սակայն բանվորները այդ պարզաբանումը չեն հաստատում։ Իրանի կենտրոնական կառավարությունը երկրում բողոքի ակցիաների համար մեղադրում է ԱՄՆ-ի և Իսրայելի իշխանություններին, որոնք չեն սիրում «ուժեղ և անկախ Իրանը»։