Ռուսաստանի բնակիչները բանակը վարկաբեկելու համար տուգանվել են 85,7 մլն ռուբլով

Ռուսական բանակը վարկաբեկելու համար Ռուսաստանի Դաշնության քաղաքացիները տուգանվել են 85,7 միլիոն ռուբլով, այս մասին տարվա առաջին վեց ամիսների տեղեկատվությունը հրապարակված է իրավաբանական պորտալում։ Վիճակագրական տվյալները ներկայացնում է  «Կոմերսանտ»-ը։

Տուգանված ռուսաստանցիների թվի մասին տեղեկատվությունը տրամադրվում է պաշտոնական դատական վիճակագրությունում։

Ըստ պարբերականի՝ ընդհանուր առմամբ, բանակը վարկաբեկելու հոդվածով (Վարչական իրավախախտումների վերաբերյալ օրենսգիրք 20.3.3) երկրի դատարանները տուգանել են 2504 մարդու։ Եվս մեկ դատավճիռ է կայացվել Զինված ուժերի (ԶՈՒ) մասին կեղծ լուրեր տարածելու համար՝ Քրեական օրենսգրքի 207.3-րդ հոդվածով։

Հիշեցնենք, որ սեպտեմբերի 21-ից Ռուսաստանում մասնակի մոբիլիզացիա է հայտարարվել։ Դրա շրջանակներում նախատեսվում է զորակոչել 300 հազար ՌԴ քաղաքացու: