Գերմանիան փրկելու Շոլցի որոշումը զայրացրել է Մակրոնին

Ֆրանսիայի նախագահ Էմանուել Մակրոնին զայրացրել է Գերմանիայի կանցլեր Օլաֆ Շոլցի որոշումը՝ միլիարդավոր եվրոներ հատկացնել իր երկրի էներգետիկ ոլորտին աջակցելու համար։ Այս մասին գրում է The Telegraph-ը։

«Փարիզը զայրացած է Գերմանիայում 200 միլիարդ եվրոյի չափով ներքին էներգետիկ ոլորտի օգնության ծրագրի մեկնարկից՝ առանց ԵՄ-ի իր ամենամոտ գործընկերոջ հետ նախնական խորհրդակցության համար, ինչպես նաև այն պատճառով, որ նախապատվությունը տալիս է ամերիկյան զենքին»,- ասվում է հրապարակման մեջ:

Ֆրանսիայի ղեկավարը, ինչպես նշում է թերթը, նույնիսկ չեղարկել է իր գերմանացի գործընկերոջ հետ նախատեսված հանդիպումը։

Ըստ պարբերականի՝ Շոլցի խոսնակը ևս խոստովանել է, որ «կան մի շարք հարցեր, որոնց շուրջ Փարիզն ու Բեռլինը չեն կարողանում ընդհանուր դիրքորոշման հասնել»։