Toyota-ն կիսահաղորդիչների պակասի պատճառով կկրճատի մեքենաների արտադրությունը

«Toyota Motor» ընկերությունը հայտարարել է, որ ավտոմեքենաների տարեկան արտադրությունը կլինի ավելի ցածր, քան ի սկզբանե նախատեսված էր, գրում է Reuters գործակալությունը։

Նշվում է, որ մեքենաների արտադրության նվազման հիմնական պատճառը կիսահաղորդիչների մշտական պակասն է։

Այս կապակցությամբ փորձագետները ենթադրում են, որ ճապոնական ավտոարտադրողը հազիվ թե հասնի իր նպատակին՝ 2022 թվականին արտադրի ռեկորդային 9,7 միլիոն ավտոմեքենա։