Արսեն Պետրոսյանի քառյակը հանդես կգա Բռնոյի փառատոնում

Նոյեմբերի 15-ին չեխական Բռնոյի ֆիլհարմոնիկի Besední dům համերգասրահում «Ջազն ու Համաշխարհային երաժշտությունը» փառատոնի շրջանակներում հանդես կգա Արսեն Պետրոսյանի քառյակը՝ «Հոգին ճանապարհ» համերգային ծրագրով։

Արսեն Պետրոսյան քառյակը նվագում է հայկական ավանդական և հոգևոր դասական երաժշտություն՝ ընդգրկելով Հայաստանի պատմության տարբեր ժամանակաշրջաններ և ժանրեր։ Օգտագործված գործիքներն են՝ դուդուկ, սանթուր, քանուն, հարվածային գործիքներ։ Քառյակի անդամներն են՝ Արսեն Պետրոսյանը, Աստղիկ Սնեցունցը, Վլադիմիր Պապիկյանը, Ավետիս Քեոսայանը։

orer.eu-ի հաղորդմամբ, համերգը կանցկացվի Չեխիայում Հայաստանի արտակարգ եւ լիազոր դեսպան Աշոտ Հովակիմյանի պատվավոր հովանու ներքո եւ Չեխիայի մշակույթի նախարարության աջակցությամբ։