Իրանը հայտնում է ԱՄՆ-ի հրահրած հիբրիդային պատերազմին դիմակայելու մասին

Իրանը պատրաստ է պայքարել ԱՄՆ-ի, Իսրայելի և Սաուդյան Արաբիայի կողմից Թեհրանի դեմ սանձազերծած հիբրիդային պատերազմի դեմ: «ՌԻԱ նովոստի»-ն հայտնում է, որ այդ մասին ասվում է Իսլամական Հանրապետության բանակի հայտարարության մեջ։

«Սպիտակ տան առաջնորդները, համագործակցելով իրենց տարածաշրջանային դաշնակիցների հետ, ինչպիսիք են Իսրայելը և Սաուդյան Արաբիան, հիբրիդային և սողացող պատերազմ են սկսել Իրանի ժողովրդի դեմ»,-ասվում է հայտարարության մեջ։

Փաստաթղթով ընդգծվում է, որ իրանական բանակը պատրաստ է դիմակայել այս պատերազմին բոլոր ոլորտներում՝ հանուն իրանական պետության անվտանգության ապահովման։

Մեկուկես ամիս երկրում շարունակվում են անկարգությունները, որոնք սկսվել են սեպտեմբերի կեսերին՝ կապված բարքերի ոստիկանության կողմից բերման ենթարկվելուց հետո երիտասարդ իրանցի կնոջ՝ Մահսա Ամինիի մահվան հետ։