Փաշինյանի անվտանգության աշխատակիցները Panorama.am-ին թույլ չեն տվել տեսանկարահանել Օհան Դուրյանի արձանի բացումը

Մեծանուն երաժիշտ Օհան Դուրյանի ծննդյան 100-ամյակի միջոցառումների շրջանակում այսօր Ազատության հրապարակում բացվեց դիրիժորի հուշարձանը։

Ու քանի որ բացման արարողությանը մասնակցում էր Փաշինյանը կնոջ ու թիմակից պաշտոնյաների հետ, նրա անվտանգության աշխատակիցները թույլ չտվեցին Panorama.am-ի օպերատորին տեսանկարահանել միջոցառումը՝ պատճառաբանելով, որ հավատարմագրված ԶԼՄ-ների ցանկում Panorama.am-ի անունը չկա։

Սա այն պարագայում, երբ վարչապետի աշխատակազմը նախապես չի տեղեկացրել միջոցառումը լուսաբանելու համար հավատարմագրվելու անհրաժեշտության մասին։

Ինչևէ, խմբագրության աշխատակիցը տեսանկարահանել է մեծանուն դիրիժորի արձանը պաշտոնյաների մասնակցությամբ միջոցառումից հետո։




Լուսանարները՝ ֆոտոլուրի։