Իրանի Հարավային Փարսի նավթավերամշակման գործարաններում արտադրվում է օրական 570 մլն խմ գազ

Իրանի «Հարավային Փարս» գազային համալիրի գործադիր տնօրենը հայտարարել է Իրանի խոշոր գազային համալիրի տասներեք նավթավերամշակման գործարաններում օրական 570 միլիոն խորանարդ մետր գազի արդյունահանման մասին, գրում է ParsToday-ը։ 

Ահմադ Բահուշը նշել է, որ «այս համալիրը ապահովում է երկրի գազի կարիքների 75%-ը՝ օգտվելով տեղական մասնագետների և աշխատասեր անձնակազմի ներկայությունից և փորձառությունից»։

Հարավային Փարս գազի հանքավայրը աշխարհի ամենամեծ գազային հանքավայրն է, որը գտնվում է Պարսից ծոցում, Իրանի և Կատարի համատեղ տարածքային ջրերում։

Հանքավայրում բնական գազի պաշարների ծավալը գնահատվում է 51 տրիլիոն խորանարդ մետր, իսկ վերականգնվող պաշարները՝ 36 տրիլիոն խորանարդ մետր։

Բահուշը հավելել է. «Ներկայումս գազի մասնաբաժինը երկրի հանածո էներգիայի բաժնում կազմում է 73,7%, իսկ Հարավային Փարսի մասնաբաժինը կազմում է այս քանակի ավելի քան 50%-ը»։

Հարավային Փարս գազային համալիրի գործադիր տնօրենը նաև ընդգծել է. «Հարավային Փարս գազային համալիրի կարևոր և կենսական գործունեության մի մասն է կազմում օրական 25000 տոննա հեղուկ գազ արտադրելու և օրական 750000 բարել նավահանգիստ արտահանման և պահեստավորման հնարավորությունը»։