Իրանում ձերբակալել են Գերագույն հոգևոր առաջնորդի զարմուհուն

Իրանի իշխանությունները ձերբակալել են Իսլամական Հանրապետության գերագույն առաջնորդ այաթոլլա Ալի Խամենեի զարմուհուն՝ Ֆարիդա Մուրադխանին, այն բանից հետո, երբ նա օտարերկրյա կառավարություններին կոչ է արել խզել հարաբերությունները Թեհրանի հետ։ ՏԱՍՍ-ը տեղեկացնում է, որ այդ մասին կիրակի օրը հայտնել է CNN-ը՝ վկայակոչելով նրա եղբորը՝ Մահմուդ Մուրադխանիին։

Չորեքշաբթի օրը Մուրադխանին թվիթերում գրել էր, որ իր քույրը ձերբակալվել է, երբ նա դատարանի որոշմամբ եկել է Իրանի դատախազություն։ CNN-ի հաղորդմամբ՝ մինչ ձերբակալվելը նրա եղբայրը տեսանյութ է հրապարակել, որում Ֆարիդե Մուրադխանին դիմում է միջազգային հանրությանը՝ կոչ անել իրենց կառավարություններին խզել հարաբերությունները Իրանի հետ՝ երկրում ընթացող բողոքի ակցիաների ֆոնին: «Ազատ մարդիկ, եղեք մեզ հետ և ասեք ձեր կառավարություններին, որ դադարեցնեն այս արյունալի ռեժիմին աջակցելը»,- հաղորդավարը մեջբերել է նրա խոսքերը։

Ֆարիդեն և Մահմուդ Մուրադխանին հոգևորական և ընդդիմության առաջնորդ Ալի Թեհրանիի երեխաներն են, ովրն ամուսնացած է եղել Իրանի գերագույն առաջնորդ Բադրի Հոսեյնի Խամենեիի քրոջ հետ։ CNN-ի փոխանցմամբ՝ Թեհրանին մահացել է հոկտեմբերին։ Հեռուստաընկերությունը հիշեցրել է, որ Իսլամական Հանրապետության իշխանությունները նախկինում ձերբակալել էին Ֆարիդե Մուրադխանիին։

Արդեն երկու ամսից ավելի է, ինչ Իրանում չեն հանդարտվում սեպտեմբերի 16-ին մահացած 22-ամյա Մահսա Ամինիի հուղարկավորությունից հետո սկսված բողոքի ակցիաները։