Վենետիկի բիենալեի ավելի քան 800 հազար տոմս է վաճառվել

2022 թվականի նոյեմբերի 27-ին Վենետիկի Ժամանակակից արվեստի 59-րդ միջազգային բիենալեի փակման կապակցությամբ ցուցահանդեսի պաշտոնական կայքը հայտնել է ցուցահանդեսի 127-ամյա պատմության մեջ ամենաբարձր հաճախելիության մասին։

artguide.com-ի հաղորդմամբ, ընդհանուր առմամբ վաճառվել է ավելի քան 800 000 տոմս, իսկ նախադիտմանը ներկա է եղել 22 498 մարդ։

Բիենալեի 197 օրվա ընթացքում դիտողների թիվն աճել է 35%-ով՝ համեմատած 2019-ի 173-օրյա ցուցահանդեսի հետ։

Օտարերկրացիները կազմում էին այցելուների 59%-ը, իտալացիները՝ 41%-ը,  30%-ը (23 9276 մարդ) երիտասարդներ և ուսանողներ են։

Ցուցահանդեսը լուսաբանել են շուրջ 10 000 լրագրողներ լրատվական գործակալություններից, հեռուստատեսությունից, ռադիոյից, թերթերից, պարբերականներից և լրատվական կայքերից։