Ամենից շատ կարդացված նյութեր
.jpg "«Հրապարակ». Բոլորին հետաքրքրում է, թե որքան է նստել ԱԺ նախագահի այցը հարկատուներիս վրա")
«Հրապարակ». Բոլորին հետաքրքրում է, թե որքան է նստել ԱԺ նախագահի այցը հարկատուներիս վրա
«Հրապարակ» թերթը գրում է.
«Պաշտոնական այցով նոյեմբերի 30-ից մինչև դեկտեմբերի 3-ը Քաթար մեկնած Ազգային ժողովի նախագահ Ալեն Սիմոնյանը մարզադաշտից կհետևի նաև ֆուտբոլի աշխարհի առաջնությանը։ Խորհրդարանից պարզաբանել են, որ Ալեն Սիմոնյանը Քաթարի պետության խորհրդարանի ղեկավարից է հրավեր ստացել՝ աշխարհի առաջնության խաղերից մեկը դիտելու։
Մի քանի օր է՝ բոլորին հետաքրքրում է, թե որքան է նստել ԱԺ նախագահի այցը հարկատուներիս վրա։ Մինչդեռ ԱԺ կայքում կա այդ հարցի պատասխանը․ ըստ պաշտոնական հրամանի՝ Ալեն Սիմոնյանի «գործուղման հետ կապված գիշերավարձի և ճանապարհածախսի վճարումը կատարում է հրավիրող կողմը»:
ԱԺ նախագահի հետ Քաթար են մեկնել նաև ԱԺ նախագահի խորհրդատու օգնական Համլետ Գևորգյանն ու աշխատակազմի արարողակարգի վարչության պետ Հակոբ Հաջի-Հակոբյանը։ Վերջիններիս գործուղման ծախսերն արդեն հոգալու է ԱԺ բյուջեն»։
Մանրամասները թերթի այսօրվա համարում
Studio One